البسملة * *
Perlu keur kabeh anu rek tumandangna # Kana hiji fan ngabahas basmallah na
Make jurusan anu munasabah na # Saluyu jeung fan anu rek dibahasna
Nuturkeun qur’an anu dimimitian # Ku basmallah awal surat dina Qur’an
Dawuh Nabi perkara teu bismilahan # Ngajadi kurang sabab teu barokahan
Ba dina basmallah nurutkeun nahwu na # Huruf jar asliyyah tawa zaidah na
Asliyyah boga harti jeung ta’alluqna # Zaidah henteu harti jeung
ta’alluqna
Ta’alluq ba mun huruf jar asliyahna # Aya dalapan dina kira-kirana
Rek ‘Am anu umum pagaweanana # Tawa Khos nu tangtu pagaweanana
Ismiyyah atawa fi’liyyah jumlahna # Muqoddam tawa muakkhkhor disimpen na
Jadi jumlah dalapan kabehanana # Pek ku anjeun taqdirkeun hiji-hijina
Lamun ba jadi huruf jar zaidah na # Sajumlah basmallah jadi mubtada na
Khobar mubtada na di kira-kirana # Cicing dina ba’da jumlah basmalhna
Lapadz ismi jadi majrur tarkiban na # Anu dijeerkeun ku ba haraf jar na
Lapadz Allohi jadi Mudof ileh na # Tina lapadz ismi nu jadi mudlof na
Lapadz Arrohmani sipat kahijina # Lapadz Arrohimi sipat kaduana
Tina Allohi nu jadi maosuf na # Wajib jeer nurut kana maosufna
Lapad Arrohman Arrohim dibacana # Salapan jalan pendapat Ulama na
Rohmani Rohimi Jeer duanana # Rohmana Rohima nasab duanana
Rohmanu Rohimu rofa’ duanana # Rohmani Rohimu jeer jeung rofa’ na
Rohmani Rohima jeer jeung nasab na # Rohmanu rohima rofa’ jeung nasab na
Rohmana rohimu nasab jeung rofa’ na # Jadi jumlahna aya tujuh kabehna
Eta tujuh jalan meunang dibacana # Sesa dua jalan anu dicegahna
Rohmanu rohimi rofa jeung jeerna # Rohmana rohimi nasab jeung jeerna
Tidak ada komentar:
Posting Komentar